Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.04.2020
ԼՂՀ


Ծննդյան հրաշալի խորհուրդը

Առաջին երեխան Բերձորում՝ կեսարյան հատումով

Արցախի Հանրապետության Քաշաթաղի երիտասարդ շրջանի կազմավորման սկզբից շրջկենտրոն Բերձորում գործեց շրջանային բուժմիավորումը՝ արցախյան գոյամարտի նվիրյալ, ռազմաճակատային բժիշկ ու հասարակական գործիչ Արցախ Բունիաթյանի ղեկավարությամբ։ Հիվանդանոցը տեղակայվեց հարմարեցված ոչ հարմարավետ շենքում, բացակայում էին բուժսարքավորումները։ 2011 թ. սկսվեց հիվանդանոցի նոր շենքի կառուցումը, որն ավարտվեց անցած տարվա վերջին։ Տոնական արարողությամբ, որին ներկա էր նաեւ ԱՀ նախագահը, կայացավ Արցախ Բունիաթյանի անվան Քաշաթաղի շրջանային բուժմիավորման նոր շենքի բացումը։ Վերջապես կայացավ քաշաթաղցիների կարեւոր մի երազանք՝ ունենալ ժամանակակից հարմարություններով ու բուժսարքավորումներով հիվանդանոց։
Նախկին շենքային պայմանների, բուժսարքավորումների պակասի, նաեւ մասնագետ—բժշկի բացակայության պատճառով վերջին տարիներին Բերձորում գործող հիվանդանոցում ծնունդ չէին ընդունում։ Այժմ այլ է պատկերը՝ նոր շենքի հանձնումից մինչ օրս այստեղ արդեն 7 նորածնի ճիչ է լսվել։ Փետրվարի 18—ը առանձնակի օր էր բուժմիավորման համար։ Նորաշեն հիվանդանոցի վիրահատարանում, որը կահավորված է անհրաժեշտ բոլոր սարքավորումներով, ունի համապատասխան պայմաններ, կայացավ առաջին վիրահատությունը՝ կեսարյան հատում։ Վիրահատությանը մասնակցեցին Ստեփանակերտում գործող ԱՀ մոր եւ մանկան առողջապահության պահպանման կենտրոնի գործադիր տնօրեն, հայտնի գինեկոլոգ Վարդգես Օսիպովը, անզգայացման եւ վերակենդանացման բաժնի վարիչ Կարեն Բալասանովը, Քաշաթաղի բուժմիավորման գինեկոլոգ Արտյոմ Մաշուրյանը, վիրաբույժ Կառլեն Բալայանը, մանկաբույժ Սվետա Դանիելյանը։ Ներկա էր նաեւ Քաշաթաղի բուժմիավորման գործադիր տնօրեն Կարեն Գրիգորյանը։ 18—ամյա ծննդկանը՝ Սյուզաննա Մելոյանը, Այգեկ գյուղից է։ Արհեստավարժ բժիշկները, բուժքույրերի մասնակցությամբ, նախապատրաստվեցին վիրահատությանը։ Փորձարկեցին սարքավորումները, որոնք վերջերս են տեղակայվել, հետո միայն անցան իրենց գործին։ Վիրահատությունն անցավ բարեհաջող, ծնվեց 2 կգ 920 գ քաշով, 49 սմ հասակով առողջ աղջնակ։
Վիրահատությունից հետո զրուցեցի բժիշկների հետ։ Քաշաթաղի շրջանային բուժմիավորման գործադիր տնօրենը ոգեւորված էր, ուրախ, վերջապես հնարավոր է աշխատել բարեկարգ բուժսարքավորումներով ապահով պայմաններում։ «Ողջունելի է, որ արդեն ունենք նման հնարավորություն՝ կատարել վիրահատություն, այն էլ՝ նորածին ու առողջ բալիկի ճիչով։ Այժմ մեզ բժիշկ—մասնագետներ են պետք, որ բուժսպասարկումն առավել արդյունավետ դառնա»,–ասաց Կարեն Գրիգորյանը՝ շնորհակալություն հայտնելով Ստեփանակերտից ժամանած բժիշկներին, բուժանձնակազմին։ Նա կարեւորեց, որ անցած տարվա վերջից հիվանդանոցում աշխատանքի է ընդունվել երիտասարդ ու իր գործում հմուտ գինեկոլոգ Ա. Մաշուրյանը։ Շնորհակալություն հայտնեց նաեւ ԱՀ կառավարությանը, ում աջակցությամբ վերջապես ունեցանք նման պայմաններ։
Ստեփանակերտի մոր եւ մանկան առողջապահության կենտրոնի գործադիր տնօրեն Վարդգես Օսիպովը, խոսելով վիրահատության մասին, ասաց՝ այն անցավ գերազանց, բարձր գնահատեց գինեկոլոգ Ա. Մաշուրյանի դերը, ով աշխատեց արհեստավարժորեն։ «Լավ բժիշկ է Արտյոմը,–ասաց Վ. Օսիպովը,–միայն պետք է օգնականներ ունենա։ Ինչ վերաբերում է վիրահատարանի պայմաններին՝ պակաս բան չկա»։
Ոգեւորված էին նաեւ բուժքույրերը, ովքեր մեծ պատասխանատվությամբ աշխատեցին։ Հուսանք՝ կհամալրվի բժշկական անձնակազմը, եւ քաշաթաղցին առողջական խնդիրների դեպքում կայցելի Բերձորի հիվանդանոց, որը Ստեփանակերտ տանող մայրուղու վրա է եւ հաճախ իր ծառայություններն է մատուցում նաեւ ճանապարհորդներին։
Զոհրաբ ԸՌՔՈՅԱՆ 

20-02-2020





02-04-2020
Արցախում ապրիլի 14-ին կանցկացվի նախագահի ընտրության երկրորդ փուլ
ԱՀ համապետական ընտրությունները՝ դիտորդների գնահատմամբ

Նախօրեին մինչեւ ...


02-04-2020
Հաճընցին էլի նույն մարտիկն է՝ պատրաստ կյանքը դնելու հայրենիքի զոհասեղանին
Հաճընի ութամսյա հերոսամարտի 100-ամյակի առթիվ

1920 թ. մարտի ...


02-04-2020
Խրիմյան Հայրիկի սոցիալ-փիլիսոփայական դիտարկումները
4. «Ինքնաշխատ յառաջադիմութիւն»

Մարդոյն կոչումն եւ գործ
շատ մեծ է ...


02-04-2020
Օրվա զարկերակ
Սարդարապատի ճակատամարտից մինչեւ... կորոնավիրուս

Ապրիլյան քառօրյայի ժամանակ հարյուրավոր ...


02-04-2020
Ֆինանսական աջակցություն են ստանում վերջին մեկ տարում Հայաստանում գործող տնտեսավարողները
Առաջնայնություն է տրվում արտադրության միջոցների եւ պարենի ներմուծմանը



02-04-2020
Աշխարհավարակի սոցիա–տնտեսական սանիտարիան
COVID-19-ը անվերապահորեն կփոխի աշխարհը եւ իր լոկալ ու ...


02-04-2020
Հեռավար կրթությո՞ւն, թե՞ առցանց դասախոսություն
Ինչ առանձնահատկություններ ունի կրթության այս եղանակը

Հայաստանում արտակարգ ...



02-04-2020
Հայաստանը ձեռք է բերել 23 օդերեւութաբանական գերժամանակակից ավտոմատ կայան
Այս ոլորտի տեղեկատվությունը հասանելի ...

02-04-2020
Մարդկությունը կշահի միայն միասնականության շնորհիվ
Ինչպիսին կլինի աշխարհը կորոնավիրուսից ...

02-04-2020
Արցախում ընտրությունները մրցակցային էին
Ժողովրդի մեջ ընտրությամբ փոփոխության ...

02-04-2020
Տոկիոյի օլիմպիադան վերջնականապես վտանգված է
Համաճարակի պայմաններում, երբ թվում է մարդկությունը ...
USD
EURO
RUR
GEL
Եղանակը Երևանում
գիշերը +3... +5
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO