Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.04.2020
ՆԵՐՔԻՆ ԿՅԱՆՔ


Չեմ համարում, որ «Ոչ» քվեարկողներն ավելին լինեն, քան «Այո» քվեարկողները

Ավելին՝ ինքս չեմ պատրաստվում մասնակցել քվեարկությանը

Ապրիլի 5-ին սպասվող հանրաքվեի եւ դրան նախորդող նախապատրաստական գործընթացների շուրջ «Հայաստանի Հանրապետություն» օրաթերթը զրուցել է «Ոչ»-ի քարոզչության կողմի նախաձեռնող խմբի անդամ Ռուբեն Մելիքյանի հետ։
–Պարոն Մելիքյան, «Ոչ»-ի քարոզչության կողմը նախապատրաստական ի՞նչ քայլեր է կատարում եւ ինչպե՞ս է կազմակերպելու իր քարոզարշավը։
–Հայտարարության մեջ մեր նպատակներն ու սկզբունքները շատ հստակ ներկայացրել ենք։ Հարթակ ենք դառնալու այն մարդկանց համար, ովքեր ասելիք ունեն մեր հանրությանն այս, մեր պատկերացմամբ, հակասահմանադրական հանրաքվեի կապակցությամբ, եւ իրականացնելու ենք այդ գործառույթը՝ հնարավորություն տալու մասով։ Նույնը վերաբերում է հանձնաժողովի անդամներին եւ վստահված անձանց։ Ակտիվ քարոզչություն իրականացնելու մտադրություն նախաձեռնող խմբի մեծ մասը չունի։ Այս նախաձեռնությունն իրականացրել ենք մեր հայտարարած սկզբունքների իրականացման համար, որովհետեւ անընդունելի ենք համարում, որ լինի այսպիսի գործընթաց։
–Դուք սա պատկերացնում եք որպես առավելապես մասնագիտակա՞ն, թե՞ քաղաքական գործընթաց։
–Նախաձեռնող խմբի ընդհանուր մոտեցումը եւ սկզբունքն այն է, որ քաղաքական դիսկուրսին չենք պատրաստվում մասնակցել։ Եթե մասնագիտական քննարկումներ ու բանավեճեր լինեն, պատրաստ ենք դրանց մասնակցել, բայց ոչ քաղաքական բովանդակությամբ, որովհետեւ քաղաքական գործիչներ չենք, եւ մեր դիտարկումները վերաբերում են իրավական եւ քաղաքացիական էլեմենտներին, այլ ոչ թե քաղաքական։
–Իսկ քաղաքական ուժերի՝ ձեզ միանալու, սատարելու կամ օժանդակելու շուրջ քննարկումներ եղե՞լ են։
–Չեն եղել, բայց մենք շարունակում ենք պատրաստ լինել, նրանց տրամադրել «Ոչ»—ի քարոզչական կողմին օրենքով վերապահվող հարթակ։ Ովքեր ասելիք ունեն հանրությանը, ովքեր վերահսկողական ռեսուրսներ ունեն, կարող են դրանից օգտվել։
–Այսինքն, մեծ հաշվով ակնկալվում են համագործակցության եզրեր քաղաքական ուժերի հետ…
–Չենք կարող ասել, մենք տրամադրում ենք հնարավորություն։ Ես ոչ կարող եմ ասել՝ ակնկալվում է, ոչ էլ ասում եմ՝ չի ակնկալվում։ Ամեն դեպքում հանրությանը դիմելու ենք, այն բոլոր հնարավորությունների մասին, որ մեզ օրենքով վերապահված են, հանրությանը տեղեկացնելու ենք, եւ եթե գտնվեն քաղաքացիներ, ուժեր, որոնք կուզենան դրանցից օգտվել, իհարկե, հնարավորությունը կտանք։ Քանի որ մենք ենք պատասխանատուն լինելու՝ վերահսկողություն իրականացնելով թե՛ բովանդակության, թե՛ ընթացակարգերի, թե՛ ֆինանսական կողմի նկատմամբ։
–Իսկ հնարավորություն տալ ասելով ի՞նչ նկատի ունեք, ինչի՞ հնարավորություն եք դուք տալու։
–Օրինակ, ինչ—որ մի պահի կհայտարարենք, որ այն մարդիկ, ովքեր ցանկություն կունենան վստահված անձ հանդես գալու «Այո»—ն բացառող դրոշի ներքո, նրանց կհրավիրենք, որպեսզի մեզ հետ կարողանան իրականացնել, ասենք, վստահված անձի լիազորությունները։ Կամ՝ նույնը հանձնաժողովի անդամներին է վերաբերում, որովհետեւ եթե «Ոչ»—ի քարոզչական կողմ չձեւավորվեր, ուղղակի այդ քաղաքացիները, որոնք նման ցանկություն ունեն, չէին կարողանա այդ ցանկությունն իրացնել։
–Քարոզչության ինչպիսի՞ գործիքներ է «Ոչ»—ի քարոզչական կողմը տրամադրելու, թե՞ դուք առավելապես կոորդինացնող, վերահսկող օղակ եք լինելու։
–Դա շատ հստակ սահմանված է ՀՀ օրենսդրությամբ՝ հանրաքվեի մասին սահմանադրական օրենքով, առանձին հարցեր՝ ընտրական օրենսգրքով։ Կան գործիքներ, որոնք վերապահված են քարոզչության կողմերին՝ «Այո»—ի եւ «Ոչ»—ի քարոզչության կողմերին։ Դրանցից են, օրինակ, անվճար եթերաժամերը Հանրային հեռուստատեսությամբ եւ Հանրային ռադիոյով, 5 քմ—ն գերազանցող արտաքին վահանակները եւ այլն։ Մենք դրանցից օգտվելու հնարավորություն կընձեռենք։
–Իսկ ֆինանսական ռեսուրսներ գոյանո՞ւմ են, եւ եթե այո՝ ապա որտեղի՞ց։
–Դեռ չենք բացել նախընտրական հիմնադրամ, եւ այս պահին նախաձեռնող խումբը նման մտադրություն չունի։ Եթե կլինեն, օրինակ, վահանակներ կամ այլ վճարովի հիմունքներով տրամադրվող միջոցներից օգտվելու ցանկություն ունեցող անձինք եւ հնարավորություն կունենան ֆինանսական միջոցներ տրամադրել, այդ ժամանակ կմտածենք նախընտրական հիմնադրամ բացելու մասին։
–«Ոչ»—ի քարոզչական կողմի հաջողության հնարավորությունները որքա՞ն կգնահատեք։
–Այս պահին ավելի շատ կենտրոնացած եմ նշածս հարցերի վրա։ Ինչ վերաբերում է հավանականությանը, բարձր եմ գնահատում այն։ Իրատես եմ եւ չեմ համարում, որ «Ոչ» քվեարկողներն ավելին լինեն, քան «Այո» քվեարկողները, ավելին, ինքս չեմ պատրաստվում մասնակցել քվեարկությանը։
–Ինչ եք կարծում, իշխող թիմի վարկանիշը, հաշվի առնելով հեղափոխության ազդեցությունը, դժվար հաղթահարելի հանգամանք չէ՞ «Ոչ»—ի քարոզչական կողմի համար։
–Չեմ կարող ասել, ամեն դեպքում, վստահ եմ, որ իշխող քաղաքական ուժը չունի այն հանրային աջակցությունը, որ, օրինակ, ուներ 2018 թ. դեկտեմբերին կայացած ԱԺ—ի ընտրությունների ժամանակ։
Դավիթ ՊԵՏՐՈՍՅԱՆ

20-02-2020





02-04-2020
Արցախում ապրիլի 14-ին կանցկացվի նախագահի ընտրության երկրորդ փուլ
ԱՀ համապետական ընտրությունները՝ դիտորդների գնահատմամբ

Նախօրեին մինչեւ ...


02-04-2020
Հաճընցին էլի նույն մարտիկն է՝ պատրաստ կյանքը դնելու հայրենիքի զոհասեղանին
Հաճընի ութամսյա հերոսամարտի 100-ամյակի առթիվ

1920 թ. մարտի ...


02-04-2020
Խրիմյան Հայրիկի սոցիալ-փիլիսոփայական դիտարկումները
4. «Ինքնաշխատ յառաջադիմութիւն»

Մարդոյն կոչումն եւ գործ
շատ մեծ է ...


02-04-2020
Օրվա զարկերակ
Սարդարապատի ճակատամարտից մինչեւ... կորոնավիրուս

Ապրիլյան քառօրյայի ժամանակ հարյուրավոր ...


02-04-2020
Ֆինանսական աջակցություն են ստանում վերջին մեկ տարում Հայաստանում գործող տնտեսավարողները
Առաջնայնություն է տրվում արտադրության միջոցների եւ պարենի ներմուծմանը



02-04-2020
Աշխարհավարակի սոցիա–տնտեսական սանիտարիան
COVID-19-ը անվերապահորեն կփոխի աշխարհը եւ իր լոկալ ու ...


02-04-2020
Հեռավար կրթությո՞ւն, թե՞ առցանց դասախոսություն
Ինչ առանձնահատկություններ ունի կրթության այս եղանակը

Հայաստանում արտակարգ ...



02-04-2020
Հայաստանը ձեռք է բերել 23 օդերեւութաբանական գերժամանակակից ավտոմատ կայան
Այս ոլորտի տեղեկատվությունը հասանելի ...

02-04-2020
Մարդկությունը կշահի միայն միասնականության շնորհիվ
Ինչպիսին կլինի աշխարհը կորոնավիրուսից ...

02-04-2020
Արցախում ընտրությունները մրցակցային էին
Ժողովրդի մեջ ընտրությամբ փոփոխության ...

02-04-2020
Տոկիոյի օլիմպիադան վերջնականապես վտանգված է
Համաճարակի պայմաններում, երբ թվում է մարդկությունը ...
USD
EURO
RUR
GEL
Եղանակը Երևանում
գիշերը +3... +5
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO