Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.05.2021
ԿՐԹՈՒԹՅՈՒՆ


Համախմբված ու միասնական

Ցեղասպանության 100—ամյա տարելիցին նվիրված միջոցառումներ Հյուսիսային համալսարանում

Հյուսիսային համալսարանում մեկնարկել են Հայոց ցեղասպանության 100—ամյա տարելիցին նվիրված միջոցառումները։ Երեկ համաբուհական ժողովի ժամանակ ամփոփվեցին մինչ այժմ կատարված աշխատանքների արդյունքները, հայտնում են Հյուսիսային համալսարանի լրատվության եւ հասարակայնության հետ կապերի բաժնից։ Ինչպես բացման խոսքում նշեց բուհի ռեկտոր Բ. Մակիչյանը՝ հունվարի 19—ի գիտխորհրդի նիստում ընդունված «G—100» ծրագիրը կյանքի է կոչվում։
Բուհի ռեկտորն այդ նիստում իր խոսքն էր ուղղել երկրի քաղաքական բոլոր ուժերին՝ հորդորելով մի կողմ թողնել տարաձայնություններն ու համախմբված, միասնական ուժերով նշել ցեղասպանության 100—ամյա տարելիցը. «Մեզ համար կարեւոր է այս պատմական մեծ իրադարձության ժամանակ համախմբվել, մի կողմ թողնել մանր կրքերն ու տարաձայնությունները եւ ողջ ուժերը լարել՝ աշխարհին մեր պահանջը հասանելի դարձնելու համար»։
Համաբուհական ժողովում նա խոսեց «G—100» ծրագրի շրջանակներում արդեն իսկ իրագործված մի քանի միջոցառումների մասին։ Մասնավորապես, ցեղասպանությանը նվիրված միջոցառումների համատեքստում հայոց բանակի կազմավորման 23—ամյակի առթիվ Հյուսիսային համալսարանի ուսանողներն ու մի խումբ դասախոսներ հանդիպում են ունեցել 5—րդ բանակային կորպուսի զինծառայողների հետ։ Բ. Մակիչյանն այնտեղ հանդես է եկել հետաքրքիր առաջարկությամբ. այն է՝ բանակում ներդնել կրեդիտային համակարգ, որով կգնահատվեն զինծառայողները եւ ծառայության ընթացքում իրենց լավագույնս դրսեւորելու դեպքում կընդունվեն Հյուսիսային համալսարանի անվճար ուսուցման համակարգ, իսկ ուսման վարձի 30 տոկոս զեղչից կարող են օգտվել մյուս բոլոր զինծառայողները։ Նրանք կօգտվեն նաեւ զորացրվածների համար նախատեսված անվանական կրթաթոշակներից։
«G—100» ծրագիրը նաեւ նպատակ է հետապնդում այլ երկրների բուհերից ուսանողներ ներգրավելու միջոցով մեր պահանջատիրությունը առավել լայն լսարանի ներկայացնել։ Ծրագրի այս կետի համաձայն՝ Հայոց ցեղասպանությունը միջազգայնորեն ճանաչած երկրների քաղաքացիները Հյուսիսային համալսարանում բարձրագույն մասնագիտական կրթություն կստանան սահմանված վարձի 50% զեղչով։ Նրանք կարժանանան անվճար կրթության իրավունքի կամ անվանական կրթաթոշակների նախապատվելի պայմաններով։
«G—100» ծրագրի շրջանակում իրականացված միջոցառումներից է նաեւ Հ. Թումանյանի ծննդյան 146—ամյակի առթիվ նրա հուշարձանին այցելելու եւ պսակ դնելու արարողությունը։ Գաղտնիք չէ, որ Ամենայն հայոց բանաստեղծը Մեծ եղեռնին նախորդող շրջանում չափազանց մեծ աշխատանք է կատարել հայ գաղթականներին ու եղեռնից մազապուրծ հայությանը օգնելու համար։ Բացի նրանից, որ թումանյանագիտությունը համալսարանի գերակա ուղղություններից է, եւ մեծ գրողին առնչվող յուրաքանչյուր իրադարձություն նշվում է բուհում, այս տարի նրա ծննդյան օրը նշվեց՝ ներգրավելով բազմաթիվ հյուրերի, որոնք էլ արժանացան հուշամեդալի։
Հաջորդ միջոցառումը փետրվարի 24—ին ուսանողների մասնակցությունն էր բաց դասին Ազգային ժողովում։ Այստեղ ԱԺ հարթակից հնչեցվեց «G—100» ծրագրի այն հատվածը, որի համաձայն՝ ցեղասպանությունը ճանաչած երկրների քաղաքացիները Հյուսիսային համալսարանում կարող են սովորել ուսման վարձի 50% զեղչով։
Առավել ուշագրավն այն է, որ հանրապետության լավագույն 9 բուհերի շարքում Հյուսիսային համալսարանի 11 ուսանողից բաղկացած թիմը մարտի 1—ին հաղթող ճանաչվեց Հայոց ցեղասպանության 100—ամյա տարելիցին նվիրված «Հայ ասպետ» հեռուստամրցույթի կիսաեզրափակիչ փուլում եւ ԵՊՀ—ի ու Գյումրիի մանկավարժական համալսարանի թիմերի հետ դուրս եկավ եզրափակիչ փուլ։ Հյուսիսային համալսարանի ղեկավարությունը, կրկնակի հաջողությունից ոգեւորված, «Հայ ասպետ» հեռուստախաղից անմիջապես հետո առաջին փուլի հաղթող 11 ուսանողներին մարտի 9—ին պարգեւատրեց 100 հազարական դրամով, իսկ նրանց դասախոսները պարգեւատրվեցին շնորհակալագրերով։
Այժմ էլ համալսարանում մեծ աշխատանքներ են կատարվում ապրիլի 21—22—ին «Հայոց ցեղասպանության հետեւանքների հաղթահարման հիմնախնդիրները» խորագրով միջազգային գիտաժողովի կազմակերպման ուղղությամբ, դեռեւս ամիսներ առաջ հրավերներ են ուղարկվել աշխարհի շուրջ երեք տասնյակ երկրների գիտնականների։ Հյուսիսային համալսարանում կազմակերպվող միջազգային գիտաժողովը անմիջապես նախորդելու է ապրիլի 24—ին Երեւանում կայանալիք Հայոց ցեղասպանության 100—ամյա տարելիցին նվիրված գլխավոր միջոցառմանը, որն էլ ավելի պարտավորեցնող է։

11-03-2015





04-05-2021
Երբ ազատ վաճառվում են գոնե մեկ անգամ չձվադրած մանրաձկներ
Մինչդեռ նախկին եւ լրամշակված կարգը հստակ սահմանումներ է դնում


04-05-2021
Հնարավոր լուծումները չեն ուշանա
Օրերս ՀՀ-ում Արցախի Հանրապետության օպերատիվ շտաբում ԱՀ կրթության, գիտության, ...


04-05-2021
Լուծումներ գտնելն օրվա հրամայական է
Յուրաքանչյուրս պարտավոր է պահպանել համակեցության կանոնները

Ժամանակակից հանրային ...


04-05-2021
Առճակատումը շարունակվում է
Եվրամիությունը սպառնում է նոր պատժամիջոցներով

Եվրամիությունը վճռականորեն դատապարտել ...


04-05-2021
Ժամանակի գիր՝ պատմության պարագծին
Ժողովուրդներ կան, որոնց պատմությունը, ասես, ինքնին տոն է, ինչպես ...


04-05-2021
«Գթության խոհանոց»
Երեւանի Զեյթուն թաղամասում գործող «Հուսո տուն» բարեգործական կենտրոնում արդեն ...


04-05-2021
Կոմիտասի ամենասիրելի աշակերտը
Հայ երգարվեստի նվիրյալն եւ երախտավորը

«Ես, որ եվրոպական ...



04-05-2021
Ժողովրդի իշխանությունը պետք է մնա անսասան
ՀՀ վարչապետի պաշտոնակատար Նիկոլ Փաշինյանը ...

04-05-2021
ԱԺ-ն Նիկոլ Փաշինյանին չընտրեց վարչապետի պաշտոնում
Ազգային ժողովում կայացած քվեարկության արդյունքում ...

04-05-2021
Համոզված ենք, որ վերականգնելու ենք Արցախի անկախությունը
Արցախի Հանրապետության Ազգային ժողովի նախագահ ...

04-05-2021
Մխիթարյանը «միակ դրական կետն էր ձանձրալի թիմում»
«Ռոման» Ա սերիայի հերթական տուրում հյուրընկալվելիս ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO