Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.02.2020
ԿՐԹՈՒԹՅՈՒՆ


Հայաստանը՝ տարածաշրջանային գիտակրթական կենտրոն

Ավարտվեց Սանահինի համալսարանի հիմնադրման 1050—ամյակին նվիրված միջազգային գիտաժողովը

Հյուսիսային համալսարանում ավարտվեց «Հայաստանը՝ տարածաշրջանային գիտակրթական կենտրոն» խորագրով երկօրյա միջազգային գիտաժողովը՝ նվիրված Սանահինի համալսարանի հիմնադրման 1050—ամյակին։ Գիտաժողովի բացմանը եւ լիագումար նիստին մասնակցում էին ինչպես արտերկրի մի շարք հեղինակավոր կրթօջախների, այնպես էլ Հայաստանի տարբեր բուհերի գիտնականներ, հյուրեր, հասարակական—մշակութային գործիչներ։ Գիտաժողովը Սանահինի նշանավոր կրթօջախի հիմնադրման 1050—ամյակին նվիրված տարատեսակ միջոցառումների յուրօրինակ ամփոփումն էր, որոնց նախաձեռնողն ու կազմակերպիչը Հյուսիսային համալսարանն էր։
Այցելություններ Սանահինի վանական համալիր, հանդիպումներ Լոռու մարզի մտավորականների, հասարակական—քաղաքական գործիչների, Սանահինի թիվ 8 դպրոցի աշակերտների հետ, Սանահինի համալսարանին նվիրված թումանյանական աշխարհի բնանկարների ցուցահանդես Հյուսիսային համալսարանում, «Սանահինի համալսարան—1050. համառոտ պատմություն» գրքի տպագրությունը, «Հյուսիսային համալսարան» պաշտոնաթերթի հատուկ համարը՝ դարձյալ նվիրված միջնադարյան նշանավոր կրթօջախին եւ, վերջապես, երկօրյա միջազգային գիտաժողով, որին մասնակցելու հրավերներ են ստացել նաեւ Հայոց ցեղասպանությունը ճանաչած երկրների բուհերն ու գիտական ընկերությունները։ Սա Սանահինի համալսարանի հիմնադրման 1050—ամյակին նվիրված միջոցառումների մի մասն է միայն, որի ամփոփումն էլ նշյալ գիտաժողովն էր։
Դեռեւս 2012 թվականին Հյուսիսային համալսարանի ռեկտոր Բորիս Մակիչյանը հանդես եկավ հետաքրքիր նախաձեռնությամբ՝ ստեղծել «Սանահինի համալսարան» հիմնադրամը, որը չորս տարվա ընթացքում կհամախմբի հասարակական—մշակութային ներուժը՝ միջնադարյան նշանավոր կրթօջախի հիմնադրման 1050—ամյակը բարձր մակարդակով նշելու, դրան հասարակական հնչեղություն հաղորդելու, ինչպես նաեւ միջազգային հանրությանը մեկ անգամ եւս իրազեկելու, որ մեր ժողովրդի պատմությունը արարումների, հոգեւոր թռիչքների եւ ստեղծագործ աշխատանքի պատմություն է։ Միջազգային գիտաժողովին մասնակից հյուրերը՝ ԿԳ նախարար Լեւոն Մկրտչյանը, Սանկտ Պետերբուրգի պետական տնտեսագիտական համալսարանի պրոֆեսոր, փիլիսոփայական գիտությունների դոկտոր, հումանիզմի պրոբլեմների ակադեմիայի իսկական անդամ Քաջիկ Օհանյանը, Երեւանի պետական համալսարանի պատմության ֆակուլտետի դեկան, պրոֆեսոր Էդիկ Մինասյանը, բանաստեղծ Ռազմիկ Դավոյանը, «Լոռվա ձոր» ՀԿ նախագահ, պրոֆեսոր Սերգո Երիցյանը, բարձր գնահատեցին Հյուսիսային համալսարանի նախաձեռնությունը՝ շեշտելով այն հանգամանքը, որ բուհը իր գործունեության ընթացքում մշտապես եղել է ազգային արժեքների կրողն ու տարածողը, անցյալի ավանդույթների հենքի վրա կրթական նոր ուղենիշներով առաջնորդվող, հայաստանյան բուհական համակարգում իր ուրույն տեղն ունեցող բարձրագույն ուսումնական հաստատությունը։
Ինչպես ողջույնի խոսքում նշեց ԿԳ նախարար Լ. Մկրտչյանը, Սանահինի համալսարանի հիմնադրման 1050—ամյակը նշելը հիշարժան արարողություն է, քանի որ անհրաժեշտություն կա մեր անցյալը կրթության միջոցով արժեւորելու։ «Մենք այն տեսակն ենք, որ կարողացել է տեղայնացնել համաշխարհային կրթությունն ու մշակույթը՝ ստեղծելով իրենը։ Մեր կրթությունը նպաստել է մեր տեսակի հաստատմանը։ Նմանօրինակ միջոցառումները հնարավորություն են տալիս մեկ անգամ եւս աշխարհին ապացուցելու, որ հայ ժողովուրդը ունի իրավունք համաշխարհային քաղաքակրթության մեջ հարատեւելու»,—ամփոփեց իր խոսքը նախարարը։
Ընդգրկուն էր համալսարանի ռեկտոր Բորիս Մակիչյանի ողջույնի խոսքը։ Նա նշեց, որ վերջին չորս տարվա ընթացքում բուհը իր ողջ ուժերը կենտրոնացրել է Սանահինի համալսարանի 1050—ամյակին նվիրված բազմատեսակ միջոցառումները բովանդակալից կազմակերպելուն։ «Բուհի ռազմավարության մեջ կարեւորագույն դրույթներից է ազգային լավագույն ավանդույթների հենքի վրա Հայաստանը տարածաշրջանային ժամանակակից գիտակրթական կենտրոն դարձնելը։ Մեր բոլոր նախաձեռնություններն ուղղված են դրան։ Մեզ համար ուղենիշ պետք է դառնա նաեւ Սանահինի համալսարանը, որտեղ դեռեւս 10—րդ դարում անվճար ուսուցում է կազմակերպվել, կրթվել ու դաստիարակվել են փայլուն գիտնականներ, եւ մենք այսօր հպարտորեն կարող ենք հայտարարել աշխարհին, որ ի հեճուկս բոլոր փորձությունների, նաեւ ցեղասպանության, մեր ժողովուրդը իր մեջ ուժ է գտել արարելու, ստեղծելու։ Ի դեպ, Սանահինի համալսարանին նվիրված միջոցառումների այս շարքը մենք եւս կազմակերպել ենք ցեղասպանության հարյուրամյակին նվիրված միջոցառումների համատեքստում այն տրամաբանությամբ, որ մեկ անգամ եւս ի լուր աշխարհի ազդարարվի ցեղասպանության փաստը մի ժողովրդի, որը համաշխարհային քաղաքակրթության մեջ այսպիսի մեծ դերակատարում է ունեցել՝ հիմնադրելով Սանահինի համալսարանի նման լրջագույն գիտակրթական մի օջախ»,— հավելեց Բ. Մակիչյանը։ Նա նաեւ անդրադարձավ Հյուսիսային համալսարանի Ալավերդու «Թումանյան» բաժանմունքի գործունեությանը՝ նշելով, որ բոլոր ջանքերը գործադրվում են մասնաճյուղը Սանահինի համալսարանի արժանի հետնորդը դարձնելու ուղղությամբ։
Գիտաժողովի առաջին՝ լիագումար նիստում տեղի ունեցավ նաեւ «Սանահինի համալսարան—1050. համառոտ պատմություն» գրքի շնորհանդեսը (հեղինակ՝ պատմական գիտությունների դոկտոր, Հյուսիսային համալսարանի դասախոս Սուրեն Սարգսյան), որից բուհի ղեկավարությունը մեկական օրինակ նվիրեց հյուրերին։ Իսկ պատվավոր հյուրերից մի քանիսը պարգեւատրվեցին «Թումանյան—145» հուշամեդալով։
Միջազգային գիտաժողովի երկրորդ օրը մասնագիտական չորս բաժանմունքներում զեկուցումներ կարդացին ինչպես բուհի, այնպես էլ տարբեր կրթօջախների գիտնական—մանկավարժներ։
Գայանե ՀԱԿՈԲՅԱՆ

24-11-2016





20-02-2020
Արցախը երբեք չի եղել Ադրբեջանի կազմում
Հարցազրույց Հայաստանի մարդու իրավունքների նախկին  պաշտպան Լարիսա Ալավերդյանի ...


20-02-2020
Մշակվել է ոլորտը կարգավորող նոր նախագիծ
Կհստակեցվեն յուրաքանչյուր քաղաքացու եւ կառույցի գործառույթներն աղետների ժամանակ

Լուսինե ...


20-02-2020
Հայաստանի ազգային հերոս
Կարեն Սերոբի Դեմիրճյան՝ փոքր երկրի մեծ ղեկավարը

Ծնվել ...


20-02-2020
Չեմ համարում, որ «Ոչ» քվեարկողներն ավելին լինեն, քան «Այո» քվեարկողները
Ավելին՝ ինքս չեմ պատրաստվում մասնակցել քվեարկությանը

Ապրիլի 5-ին ...


20-02-2020
Քաղաքական ուժերը դուրս են մնացել «ճակատամարտից»
Ինչը եւս մեկ անգամ ցույց է տալիս, թե ...


20-02-2020
Միջանձնային կոնֆլիկտների պատճառը նաեւ կրթության համակարգն է
Դպրոցը պետք է ունենա տղաների էմոցիոնալ, հայրենասիրության մշակութային ...


20-02-2020
«Յարխուշտան մեր ազգային ինքնությանը ամենաբնորոշ պարերից է»
Հայաստանում հունիսի 13-ին կանցկացվի յարխուշտայի փառատոն

Վարչապետ Նիկոլ ...



20-02-2020
Սիրիայի շուրջ ռուս-թուրքական նոր բանակցություններ կանցկացվե՞ն
Էմմա ԲԵԳԻՋԱՆՅԱՆ
e.begijanyan@hhpress.am



20-02-2020
Ծննդյան հրաշալի խորհուրդը
Առաջին երեխան Բերձորում՝ կեսարյան ...

20-02-2020
Հետաքրքրությունն առկա է, միտումը՝ հուսադրող
Հայաստանը ռուսաստանցիների տուրիստական ...

20-02-2020
Հովհաննես Թումանյանի ծննդյան 151-ամյակը՝ Դսեղում
Մեծն լոռեցու ծննդյան 151-ամյակը եւ գիրք ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO